閉著氣向前衝

今晚沖完涼，坐在梳妝枱前，突然想。。。為什麼我會在這兒，那個陌生的地方。為什麼會嫁了給相公，與他同居。

好像好多事情怱怱忙忙的就經過左～～那個熟識的地方，廿幾年來的生活模式改變了。

呆呆地坐在梳妝枱前懷緬著以前的生活，又看看現在的生活。。。有時害怕去想起， 會軟弱會流淚。。

想起結婚當日我並未有“哭崩長城”，因為就知我這個大喊包。。一喊不可收拾。所以叫自己不要去想，唔好“亂諗野”！！


每天營營役役地工作生活。。好像閉著氣跑向終點似的，沒有停下來思索，沒停下來回想。。。因害怕回想從前就讓人倚賴了， 讓人累了。。。

現在的新生活慢慢地適應習慣了...雖然偶然也會掛住“娘家”

但我5c9 會繼續努力向前衝呀！！！

HighTea @ ICC Ritz-Carlton Hotel

星期六好開心，得好姐妹們邀請，出席high TEA 活動

結婚過後，都未曾與姐妹們去Tea Time，所以今次時光真係好珍貴喔~~

今次大家相約去ICC Ritz-Carlton Hotel, The Lounge & Bar 食TEA~正呀!!!~~

首先，BOOK 位是一個"艱巨"既任務，先係要"1000步遠佂"行去 Ritz-Carlton Hotel，

仲要早早去預約!如果唔係就無得食架喇~~!!

今次多得郭夫人出手，早早"遠佂"去book 位，不過已經係安排3:30 先可以食tea~~

所以要去食既話，真係要預早去book 位喇!!!


咁大個女，第一次去酒店High Tea ,所以打扮好d 先, 5c9 少婦High Tea LOOK

跟手就出發到九龍站會合姐妹們了!!!

到達圓方後，向左手邊H&M方向行，會見到一層層的電動梯，上兩層後就可以前往酒店，已有待應們接待賓客, 亦都提醒男士們既衣著，唔可以著露趾鞋同背心出入酒店~~待應小姐們態度良好，環境亦都好舒服同時代感。

等到3:30，終於可以搭鉝上102 樓食TEA 喇!!YEAH!!!

環境一流，仲有鋼琴&大提琴奏樂~~好正!!! 可借既係未能坐係窗邊，欣賞維港兩岸影色~~^^~

嘩，主角出場!!! 英式High TEA!!!


每一層既TEA 都得特別，頭一層係咸點! 有三文魚，又有松露~~

第二層係SUPER 甜點~每一種都好有特色，但就5c9 來講，有點膩!!^^"~~ 不過真的好好味!!!

第三層係鬆餅，超級好味!!同埋有cream & 古古力醬去沾食!!! yummy~~!!

食到中層甜點，5c9 已感到好飽，可能因為叫左杯LATTE 既關係~~所以，下次再食High Tea，建議大家飲茶，可以消消滯!!

很難得，亦都好開心，可以同一班好姐妹去享受這愉快時光~~(雖然個tea貴左少少) 哈哈, 不過難得的一次, 很值得!!

＜神禽翼獸＞展覽

星期六，天氣好到不得了～～早 早起床， 做好家務後，出發去尖沙咀文化中心與相公會合。

首先去我們的飯堂“DELI ﹠ WINE” 度食左兩個漢堡飽餐～！！！

我地鐘意去這個“飯堂”既原因就係抵食同高質素！！一個BURGER 餐都係40幾蚊同面既BURGER 舖差不多，不過勝在質素高夠新鮮！大家不防去試試


之後就出發往隔離既藝術館，買飛參觀＜神禽翼獸＞展覽。

展覽館內展示170件由大英博物館（賊竇）借出的展品， 有中國，有日本，有希臘，有埃及．．．等等， 展覽館係唔可以影相架， 所以大家想知有咩睇呢， 就要來參觀參觀喇！！不過都有D“可能”唔識睇字又唔識聽廣播既人，都會用手機拍攝。。。真令人討厭！！

之後離開展館，外邊還有些摺紙遊戲比大家玩下， 都幾得意， 同相公都學習左兩種！

這個展覽係需要3﹣4個鐘去參觀～因為實在太多展品同要時間去了解其歴史！所以大家預時間去參觀～！

同場加映日落影色～

日落西山， 很開心今日可以同相公去拍拖

＜桃姐＞後感

由細到大， 5c9 只去過老人院兩次

一次是童軍服務去探訪老人院， 第二次是去探訪相公的契媽

還記得第一次去探訪老 人院， 院舍設備簡陋，
每位老人家有一張床，一張枱

老人的眼光都是空洞的， 還不時聽到有老人家在呻吟。

其實那時自己有點不知所措，
咁大個女都未見過，也未想像過，
老人院的生活是這樣的。

不過童軍們都很勇敢，很快收拾心情，

硬著頭皮去表演, 務求令公公婆婆們開懷大笑。

這是我第一次探訪老人院的印象。

<桃姐>再次勾起我這深刻的回憶，
哪一個人希望老左之後，孤伶伶一個人同一班陌生人居住...

住在囚籠式的地方, 是他們有錯嗎?
老人家們並沒犯事, 更曾為家庭,
為這香港付出青春, 付出勞力努力~~
但卻並未得到應有的回報 ~~

還記得有一段戲，有一位老人家不斷推著院舍大門,
嚷著要番鄉下...不斷推住已上鎖的大門不斷哭叫....
那一刻我的心酸了..眼淚唔聽話了...

這套戲沒有煽情的橋段，而是淡淡的情節，
但這些故事卻每日在我們身邊發生.....

這套戲勾起了無窮的思緒...

對現今香港社會的老人政策

對現今香港家庭的反映

對現今香港老人生活的情況

真確地值得令人心思...

Start from beginning

同相公傾開計,

發現我地差不多一年去一次旅行

而最吊詭係

每次決定去旅行既moment

都係我家family 去左旅行既時候

去台灣啦

去泰國啦

今次呢, 就決定我地去honeymoon既地方

係我地拍拖時大家承諾左既地方

就係...登登登登!!

英國 & 法國 

喇!!!!

短短兩星期已決定

日子

機票

酒店

哈哈,大project 再次展開!!!

YEAH!!!