英法HoneyMoon之旅 - Day 7 (蒙馬特山)

23/8/2012

黎到honeymoon 尾聲, 今日出發去酒店附近的蒙馬特山參觀~~

根據以往經驗, 上蒙馬特山的道路會有很多黑人徘徊, 搵獵物~~但而家唔見晒d 黑人, 變左拎住d 機關鎗既警察係周圍巡邏~~

今次, 我地坐纜車上山~一上到山, 就跳上一架小火車遊覽蒙馬特山一圈, 盛為每人5歐羅~~慢慢坐著火車, 又上山又下山咁遊覽著, 差不多20分鐘的車程, 又再回到起點。

我們向著蒙馬特中心方向前去, 見到一個小廣場, 坐著很多很多的唔同風格的畫家.有些畫人像, 有些晝風景~~我同相公買了一幅用角尺, 彎尺, 用”尺”畫既鐵塔, 雖然貴少少 (around hkd$400), 但藝術無價嘛~!

心情愉快的我們開始下山搵午餐吃~但下山途中, 又再次見到以簽名為名偷野為實既果班人, 我地今次好小心咁, 睇清楚情況先, 見到佢地拉住左個外國人, 同佢傾緊, 我地就急急腳跟住人潮下山了!!

睇到旅遊書介紹, 在蒙馬特附近就有間餐廳食午餐唔錯,相公order 了一份他他牛, 而我又點了份沙律~~又是一間令人感到滿意的餐廳~~

我諗我係香港係唔會敢試他他牛, 因為佢係生牛肉再撈其他配料, 再壓成一塊餅狀的。但在法國的他他牛, 又是一試難忘, 沒有肉腥味, 只有好味同好味~~

由蒙馬特步行大概15分鐘就已經回到酒店, 放低戰利品, 再次出發!!!

大出血之旅開動!!!!

英法HoneyMoon之旅 - Day 6 (西提島 , 羅浮宮)

22/8/2012

因為昨日太盡興, 今天決定輕輕鬆鬆的行程。

首先出發到西提島參觀聖母院。

到達聖母院又是排隊的時候, 當時又看到一家強國人扮傻扮傻的打尖入內~~

觀賞完後, 聖母院外有一小公園, 見很多小朋友在餵白鴿, 有些人在野餐, 很捨意。

離開西提島時, 遇到一班後生仔女, 拿著一塊板係咁衝著你而來, 當然我地聽唔明佢講咩, 我地係咁話NO, 都照衝埋黎, 老公就拉住我隻手”衝出重圍”~~

之後出發到協和廣場(Place de la Concorde), 打算在廣場影個相, 但可惜又見到果班人, 不斷咁追住我老公, 真係好煩….勁想爆粗(當然佢地聽唔明啦)~~

相公又再一次拉住我的手衝進杜樂麗公園~~可能因為公園有保安, 果班人無追過黎~~不過相公咩係心口個袋已比人拉開左少少, 好彩無損失~~

公園中有個大水池, 池邊有很多椅子比人坐~~我同相公搵到個位, 休休閒閒的望著水池, 品嘗剛在西提島買的蝴蝶酥~連途人經過都問我地, “is it Butterfly”~~

依個蝴蝶酥有幾特別? 係因為個酥餅仲大個我塊面~~我同相公一人一半KO 左個蝴蝶酥, 淨下的碎, 就撒係地下等白鴿們食~~

休息過後, 再向前行就已經係我地下個景點, 羅浮宮~~

未入到羅浮宮裡面前, 見到雪糕小販檔, 仲要係香港賣好貴既”MOVE 化BICK”, 我揀左隻開心果味, 諗住應該幾香幾好味…點知……….唉..一D都唔似開心果味..唔知自己食緊乜, 好難形容雪糕會難食, 但佢真係好難食..=.=

見到玻璃金字塔喇, 很快就落到羅浮宮裡面~~羅浮宮展館, 分東面西北, 因為有幾區做緊裝修, 所以四面都唔係打通~~

咁我地就TARGET 某些展館去參觀先~~~去羅浮宮當然要睇蒙羅麗莎啦~~一如既往既多人, 瘋狂既多人, 又隔住好幾塊玻璃, 都睇唔到D 乜~~

另外, 就係再次欣賞<<王帝的加冕禮>>, 以我所知, 這幅畫有三幅, 一幅係凡爾賽, 一幅係羅浮宮, 另一幅係法國國家藝術館~~

而三幅畫係由不同既拿破崙皇朝時期所繪製, 所以都有所不同~~

但5c9呢D 凡夫俗子真係睇唔出有咩唔同, 不過能再次欣賞到皇后所穿那件絲絨大披風, 真係好心滿意足。

不知不覺又行逛了4,5個鐘~~腳仔都好攰了~~

每日最苦惱的就是晚餐~~~

今晚再去酒店附近那間餐廳, 因為真係又抵又好食。

今日ORDER 了玫瑰酒, 相公的牛扒, 我的Burger & Chips~~

英法HoneyMoon之旅 - Day 5 (巴黎鐵塔)

21/8/2012

繼續行程, 我們又坐火車回程, 出發到Chaussée d'Antin - La Fayette 站, 剛進入La Fayette, 全都是強國人天下喔~~~連SALES 都是說普通話的喔~~真係世界變~~

還記得8,9年前到巴黎LV 店D店員黑口黑面, 唔想SERVE 我地D 亞洲人, 而家D SALES連普通話都學埋, 仲勁欣勤既服務, 真諷刺~~

因為實在太多強國人, 我以為自已身在廣東道….頂唔順, 好快咁離開La Fayette

同相公轉戰去左隔鄰的Printemps春天百貨, 春天百貨少人好多, 因為春天並未設有普通話既退稅專員~~所以少強國人黎買~~~

輕輕鬆鬆地入了LV 店, 問SALES 有關草間彌生Crossover 既銀包, 佢地話未有住, 噢…..又要撲過空….好彩SALES話星期四23號, 會係春天百貨開個專櫃, 專賣草間彌生Crossover既product~~

原本行程都是預23號去SHOPPING~~實在太好了, YEAH!!

離開春天百貨, 轉入旁邊的一個SUPER MARKET, c9超市瘋狂習性又來了, 買了Jean Paul crossover 的可樂, 勁好味既窩夫~~

時間差不多, 我們就回酒店, 放低D 貨~~ 再出發去吃晚餐

找了一間在酒店附近的法國餐廳, 這晚餐讓我們喜出望外~~三百多元港幣就食到唔同種類既CHEESES, HAM~~~

食過飽飽就出發去巴黎鐵塔, 大概黃昏六點, 地鐵已經好靜, 人影少見~~
終到達Champ de Mars Tour Eifflel, 剛黃昏時的鐵塔的確很美~~

到達鐵塔下, 仍是打蛇餅的買飛上鐵塔~~鐵塔分三層, 我地決定只買到第二層的飛~~

由朝等到鐵塔亮燈, 亮燈的鐵塔, 好靚呀~~~

上到鐵塔, 大風得很~~~與相公繞了一個圈, 玩了夜光攝影, 就決定行樓梯下鐵塔, 法國的樓梯多以旋轉的設計~~轉下轉下…鐵塔閃閃發光了~~但可惜的是我們還在鐵塔內部, 如在公園望向巴黎鐵塔, 一定很美~~

不知不覺已到11點半, 相公擔心坐地鐵的安全, 所以我們決定坐的士回酒店~相公上網看過有一個法國網站是幫忙計算法國的士既車資, 所以知道大概番酒店既車費就二話不說就坐上的士了。

坐的士是不錯選擇, 因為有夜遊巴黎既感覺, 回到酒店都是大概120元港幣價錢。真的建議, 夜晚時, 坐的士回酒店, 別有一番滋味。

今天真的很盡興, 但也玩得很累~~洗過白白, 就Zzzz…了

英法HoneyMoon之旅 - Day 5 (凡爾賽宮)

21/8/2012

向凡爾賽宮出發!!!

今天一早起床, 在酒店食過簡單早餐, 雖然簡單, 都有奶, 乳酪, 粟米片, 果汁, 仲有….HEHE我至愛朱古力酥~~快食後, 領取了酒店送既LUNCH BOX, 裡面有三文治, 水, APPLE 兩份~都不錯~~解決左我地午餐問題~~

由地鐵 Pigalle站到 Invalides 再轉火車去 Versailles-Rive Gauche, 為左轉車依件事, 曾同相公”熱烈討論”過~~佢上網搵到話依條鐵路線會封閉做維修, 但我話佢寫住9月先維修, 所以應該無問題~ 但佢堅持話上網條線無顯示(即用唔到)…總之比佢激C….

SO FAR, 全程都無問題~~~ 往凡爾賽宮既火車是兩層高, 非常寛敞~5c9咁大個女都未試過坐依種火車~~感覺好新奇~~

到達凡爾賽宮, 眼見宮外有一大遍石磚地已人山人海, 打緊蛇餅~~就係我地排緊隊打緊蛇餅之際, 有個操普通話既男人走埋黎問我地可唔可以一齊排隊,想不到在法國都要遇到此等厚面皮既強國人, 我同相公扮唔識聽, 唔鬼理佢~~

我地大概等了半個小時左右才得進內, 去到門口才發現拿著MUSEMUM PASS 是不需要排隊的..OMG..

通過保安檢查, 我們就在金閘裡面, 跟住人流及指示進入宮中參觀, 凡爾賽宮是由LOUIS 13 開始建造, 而凡爾賽宮最頂盛時期就是到LOUIS 14.

出名既瑪麗皇后, 拿破崙亦在凡爾賽宮留下不少痕跡~~

裡面的裝潢擺設都金碧輝煌,重點介紹, -----> 鏡廊,
走廊兩邊擺滿鏡子及擺設, 天花吊著水晶燈~~我想夜晚點著水晶燈, 鏡廊應該更美~~

HAHA, 行左半個鐘, 終於見到我夢寐以求想睇既一幅畫~~

<<王帝的加冕禮>>

一幅牆咁大既畫, 相機都影唔晒, 最欣賞係皇后那件絲絨大披風, 感覺真係好似真實既一樣, 立體得好緊要。古時既畫家真係好鬼斧神工~~

望一望出面, 是一個大花園, 裡面又紅又綠, 可惜的是MUSEMUM PASS 是不包括這個花園的~~如要參觀, 要再買飛~~~

我同相公考慮過烈日當空, 在花園沒遮蔽既地方, 所以都決定唔買飛入花園參觀了~~

在凡爾賽宮外見到m 記, 大熱天時食番杯麥旋風先~~

m記裡有一部自助機, 一向熱愛科技的相公即刻去試下~~

與相公決定到老佛爺行逛, (因5c9唔死心,要買到個LV 銀包), 所以下一站老佛爺~~~