突然有感

今日坐車番工既時候，聽到電台播放著<最愛是誰>，又再一次雞皮疙瘩起來。

隨著年歲經歷既增長，有些事有些歌， 越嗒越有味...

最愛是誰

作詞：潘源良

作曲：盧冠廷

在世間尋覓愛侶　尋獲了但求共聚

然而共處半生都過去　我偏偏又後悔

別了她原為了你　留住愛亦留住罪

誰料伴你的心今已碎　卻有她在夢裡

為何離別了 卻願再相隨

為何能共對 又平淡似水

問如何下去 為何猜不對

何謂愛 其實最愛只有誰

任每天如霧過去　沉默裡任寒風吹

誰人是我一生中最愛　答案可是絕對

為何離別了 卻願再相隨

為何能共對 又平淡似水

問如何下去 為何猜不對

何謂愛 其實最愛只有誰

為何離別了 卻願再相隨

為何能共對 又平淡似水

問如何下去 為何猜不對

何謂愛 誰讓我找到愛的證據

東京五月天之旅 - DAY 2 - 築地

今日要倒塔咁早起床, 因為要早早出發去築地市場吃新鮮既SUSHI~~~

七點鐵由酒店出發, 半小時後已在築地。

先在築地場外市場食過玉子燒先，有蛋香同甜甜地，好食~!!

之後就出發去築地場內市場 - 魚尾橫町~~

而最出名果幾間壽司大, 大和, 仲家已經擠滿人~~

所以揀了在仲家隔離叫"弁富"的板前壽司店排隊，差不多等了半小時就有位~~

東京五月天之旅 - DAY 1

我地今次選搭ANA AIRLINE, 24號凌晨機出發去羽田機場, 再從成田機場回港。

早上6點鐘已到埗, 7點鐘左右已取回行李及入境。 原先打算買”WELCOME TO TOKYO TRAIN PASS”, 頂, 個counter竟然未開門~~~

我地覺得再等落去唔係辦法,唯有去東京觀光旅遊局買2 DAY SUBWAY PASS (可搭都營及東京電鐵線)。之後再將西瓜卡增值各¥5000, 就出發去日暮里酒店 (Hotel MyStays Nippori) 

將行李放於酒店後就出發去第一個景點, 晴空塔(Tokyo SkyTree)

東京五月天之旅

整整一年沒有去旅行了, 由大頭離開那年, 相公做大手術, 今年..5c9肚子都開刀了.

慶幸相公同5c9都有驚無險,
所以適逢五月天在日本東京武道館舉行兩天演唱會, 就隨即計劃下

原來AIRLINE 將24/8 這星期打後先當係淡季,

所以選擇23號坐凌晨機出發, 29號回港

原先打定輸數買唔到五月天演唱會飛,

 但又LUCKY, 有香港人在臨行前一星期放售兩張飛, 

相公簡直開心到飛上天~~哈哈~~

更令這個旅程加添色彩同驚喜~~~

Inside Out《玩轉腦朋友》

琴晚同相公去睇好評如潮的Inside Out, 

真係好佩服PIXER 可以諗出這種橋段, 

相信度橋人一定有無限童真先可以諗到咁夢幻又寫實的故事。

故事由一個小女孩出生開始，由覺知到情感，

小女孩腦裡面產生了唔同的性格情緒出黎，

有JOY, SADNESS, ANGER, DISGUST 同FEAR。

人生五味，就由這5個搞笑的角色去表現出黎。

但JOY覺得SADNESS無用，只會搞亂檔，經常忽視佢既存在。

到小女孩年紀漸長, 生活起了波瀾，
JOY同SADNESS兼出事了，令小女孩情緒亂晒龍。

令5c9 最深印象的是一隻叫BING BONG 既疑似大笨象。

牠是由小女孩細細個果陣構想的朋友仔。

最後為左救JOY ，BING BONG 消失在記憶堆田區裡。

BING BONG就代表了童心，

人為了長大，營營役役半生, 卻失去了最初的信念同童心。

5c9睇到呢幕，都忍唔住抽泣左陣，

因為童年時既童真, 記憶就好似BINGBONG 咁慢慢消失…

雖然不捨, 但人生must go on~!!

JOY同SADNESS 在這驚險旅程中，慢慢了解對方的重要性，

人生並不是只有JOY, 亦有SAD，

沒有SAD 點知JOY 既可貴，

沒有SAD，情緒無從舒發就變ANGER。

這套卡通令大人們重新審視自己的情感，

我地成日為工作同事往往戴住個JOY面具, 要面面俱圓咁對人，

但其實可能內心係FEAR\SADNESS甚至係ANGER。

亦都令小朋友知道，點解我地有咁既情緒, 有咁既反應。

睇完這戲後，心情真係有點SAD SAD 地，

但又諗住SADNESS 個傻樣，又由心笑出黎。

每每看完PIXER既卡通, 都有股正能量湧出黎~!!

做回真我，就算在社會層面上做唔到，亦要莫忘初心!!

我要忍忍忍!!!

很久沒更新網誌了~~

在這半年間, 5c9 發生了很多很多事,

最突然的是以為腸胃炎, 原來盲腸炎, 仲要即刻做手術,咁就留院7天了.....

最怕的是要在我手背的血管上插一個膠管for 吊水, 麻醉, 打藥用..>__<

雖然是微創手術, 外邊的傷口已埋得八八九九,但裡面的傷口還需要4-6星期復原~~

不過感覺一日比一日好的, 胃口都越來越好, 就是因為咁又開始吃回之前的份量, 最終..肚皮還是吃不消......=__=

還有一個月就出發去日本, 5c9要忍口忍口...忍忍忍..戒戒戒.......

一來要減肥, 二來要保養好身子, 希望講得出做得到啦!!!

深知自己自制能力較差..要努力, 加油呀!!!!

5c9的親生女

2013年5月, 同事送了我一塊非洲紫羅蘭葉,

從那時開始5c9與非洲紫羅蘭結下不解之緣

由水種插葉開始, 5c9慢慢地對非洲紫羅蘭起了興趣, 

由一個零種植智識, 交左兩棵花既學費, 

學換泥換盆, 試用美能安A, 試用唔同既花肥

經驗的確是累積落黎的!!!

曾經有花友講過, 

你有心機照顧花花, 佢地係會感受到的~!!

兩年後既今日

終於有花開喇~!!!

這棵花的mother 是上年在發叔花場買回來的

上年年尾插葉水種, 再落水苔試種, 到睇住佢開花

果種成功感, 真係不能言諭

5c9的煮意

5c9 從小都好少下廚, 因為有阿媽靚湯, 5c9淨識煲下飯, 煮下麵咁囉~~

大大下, 突然對整甜品產生興趣, 焗蛋糕, 整曲奇~~

到嫁為人妻, 做左5c9,  要自己煮餸煲湯, 原來大有學問, 所謂不時不食, 咩時候煮咩湯, 食咩蔬菜, 生果都有講究~~

由睇住個食譜煮餸, 到而家隨意加減食材, 煮餸的確係要"功多藝熟", 今晚相公繼續為工作奮鬥, 我就係屋企整番個芝士三文魚洋葱汁焗意粉比相公做消夜+5c9的晚餐~~

相公番到屋企, 食過意粉後都贊不絶口, 這是對這幾年來的煮餸經驗的一個加許, 見到相公贊自己又見佢食得滿足, 5c9既自信心番晒黎~~>V<~~~!!!

繼續做花痴~~

 春天的確是喚醒花草樹木生機的好時光, 我家的非洲紫羅蘭都活躍起來了!!!

花痴

年廿七, 與相公出發去花墟買年花。

這幾天天氣不佳，天陰又潮濕。剛到花墟時還落大雨添。

 幸好，過一陣後就停雨了，可以慢慢揀花。

相信今年情人節花束銷情理想，因為眾觀都玫瑰剩不多，舖頭亦沒有促銷。

5c9今年決定唔買蘭花，因為我倆經常不在家，常關窗，空氣唔夠流通，

上年盆蘭花只擺了兩個月左右就88了…嗚….V__V

沿著洗衣街再轉入花墟道，看了一間又一間花舖，

眼見小型蘭花好靚，又差不點忍唔住手…好彩最後都無買到..>V<

之後，足足行了兩小時，由街頭行到街尾，再由街尾行番去街頭。

最後的戰利品有: 櫻花玫瑰，只需$50就有交易，

相公話差一日價錢就相差10倍，Crazy~~~

荷蘭鬱金香(相公揀的)、橙紅色小玫瑰；

襯花有: 三色DAISY，米白色毋忘我；

水仙球2個($30/個，好抵!!)

最後仲買左兩個小花樽FOR 相公的富貴竹&一個窄身長方型的玻璃花瓶。

以上咁多樣野，TOTAL 都只係大概$500，已經做到3盆插花，1盆水仙。

 這個價錢，總好過要係情人節買札貴到爆，又唔太新鮮既花束。

所以昨天買花花既洗費都由相公支付，KEKE….>V<

番到屋企，仲可以同相公一齊設計插花擺設，

又可以卿卿我我一下(EE泣泣就真, WAKAKA)

砌到靚靚又好有滿足感架~!!!

5c9小記:

係買櫻花玫瑰果陣，遇到個姨姨，個姨姨同賣花姑娘講話自己係花痴，我聽到之後，忍唔住笑同點頭，因為非常認同姨姨。我話我見到D花就忍唔住花，姨姨又話佢屋企種滿紫羅蘭，又會自己去培殖，果下我覺得遇知音!!大家都笑左陣啦，傾左一陣自己既花痴行為，高高興興的各自繼續花痴之旅，買花真係一件賞心樂事黎。v^__^v

RUROUNI KENSIN

自Legolas起, 很久也沒為一位ARTIST心動了~~

最近幾年, 雖愛看<<星星>>的都Manager, 但並不熱衷於金秀賢本人~~

在<<哈比人>>中既Legolas已收起10年前的青俊稚氣, 演繹出一位很MAN 既精靈戰士。

但近排看了<<浪客劍心>>真人版後, 卻對這位25歲的 Satoh Takeru (佐藤健)起了興趣~~

<<浪客劍心>>是中學時代追看的漫畫, 中學時, 純粹喜愛睇漫畫故事而已, 但隨年紀漸長, 現在對這故事的睇法也有不同,明白了劍心為何喜歡上阿薰 - 是因為阿薰像KENSHIN心裡的天使, 常給他溫暖, 提醒他活在當下, 不再殺人; 又明白劍心在這荒亂的時代對自己曾所做的事那種無奈及痛苦。5c9甚至為這個故事去尋找下日本近代史。

大多數由漫畫轉為真人版都不被看好, 但這套電影卻喜出望外。而佐藤健將緋村劍心這角色演繹得洽到好處~~

最欣賞他的眼神, 時而憂鬱, 時而冷酷。這正正是緋村劍心對過去的自己鬥爭的表現, 說話溫婉私文, 這也是劍心的特色之一。

仲有，電影情節明快及對白忠於原著, 打鬥場面真實, 這也是吸引5c9 的原因。

心急又八卦的5c9即去search下這位Satoh san 的background, 由19歲就出道到現在25歲, 出道6年, 唔怪得知演技有番咁上下。

再來就看看他近年的作品, 越看越欣賞, 有時感覺他有少少像木村, 有時有像褔山雅治, 唔怪得知高中2年班就已被星深發掘。相信這位男優, 前途無可限量^__^

雖然而家韓風不斷, 但5c9卻反常地追日劇, 是傻的嗎?XD