17/8/2012
講番食過飯後, 坐巴士就去Tottenham Court Road, 行多幾分鐘, 終見到"賊竇"了...
雖然5c9唔係第一次去"賊竇", 但今次真係由頭到尾.."lung" 一次大英博物館~~
我地專登星期五去, 因為大英逢星期五都係開到晚上8:30~~~
去到賊竇, 係門口影張先~~
雖然人流好多, 但勝在地方大 , 都行得幾舒服~
入去買左一個package, 有一個袋, 一本介紹大英既書, 一本guide book, 一張london 地圖~~ 都係 £8~~ 抵呀!!!
一入去就見到勁多埃及物品.....而點解有咁多埃及既物品呢....
大英話佢地係用錢"買"佢地番黎~~有d 就係法國度搶番黎~~
我與相公足足行左5個幾鐘頭~行到相機都無電~~~諗住去中庭間餐廳食high tea 啦~~
去到佢地話今日好多人, serve 唔到我地喎~~ 眼見間餐廳得三分一人滿~~~
真係唔知因我地係中國人唔serve 我地呀, 定係佢地真係懶成咁....serve 多d 人都唔肯....
NO GOOD~!!!
將希臘成個神殿搬黎英國.....都係話希臘"賣"比佢地..等英國好好保育~~
行晒最出名既埃及館, 亞洲區等...我地去左最頂層...一個將軍捐出既收藏區...
全都係中國由明朝到清朝既古碗....真正既"賊贓"出現喇~~~
但係我同相公見到依個大碟, 都覺得似係"次貨"~~!!!!
條龍畫到好似卡通咁, 碟後又無官窯印章~真係好懷疑~~~
仲有係亞洲區,見到依個......話係東周時期既文物...我真係唔係好相信...中國東周時有似印第安文化既文物~~~
5個幾小時既遊覽...坐係中庭休息下...經過昨晩既"慘痛經歷"~~今次搵左間韓國餐廳, 食番D 米飯~~
大英後記: 如果係夏天去既話, 非常建議要著得輕便,鬆身衫, 同帶扇~~因為大英博物館係無冷氣架~!!!
沒有留言:
張貼留言