餃餃記

上次去奶奶度食飯, 奶奶教包餃子~~覺得簡單, 又方便~唔洗下下煮飯煮餸咁悶嘛。

襯星期日有時間準備, 買左餃子皮, 碎肉, 小棠菜 番屋企, 整番個菜肉餃!!
係屋企搵下搵下又搵到冬菇, 雲耳絲, 煲湯用剩既西芹, 廿荀~~準備好晒材料, 5c9準備開工!!!材料 :碎肉 10蚊， 冬菇 5隻， 木耳絲 若干（1手拿左右）， 甘荀 半條， 西芹 2支， 小唐菜 1棵， 水餃皮 半斤（約20﹣30塊）
預先將冬菇, 木耳絲浸軟
5。煲滾水， 放入水餃， 約5﹣10分鐘熄火即可
5。煲滾水， 放入水餃， 約5﹣10分鐘熄火即可

製法：

1。碎肉 ＋ 豉油， 糖， 粟粉醃30分鐘

2。其餘材料切碎

3。將（1） ＋ （2） 拌均

4。（3） 包入 水餃皮內

原以為好易整, 其實要將材料切碎, 都幾花時間& 手力, 幸有相公出手幫助, hehe, 大功告成!!!

十年人事幾翻身

原來不知不覺已經出黎踏入社會大學第10年了, 回想起2003, 香港人不會忘記的那年, IVE畢業後, 同媽媽去了個超超超平既東歐旅行, 先再搵工, 搵左3個月左右, 終於在10月6日搵到5C9 人生之中第一份工– 中學書記。

我相信緣份, 慶幸認識到一班好同事, 相處左這有笑有淚既7年時光。由溫室小花處處碰壁, 成長到相知相交, 共同承擔, 好多好多往事回味心頭。大家都係用真心去交流, 還記得, 有同事生日必定”神秘”地買蛋糕慶祝，又試過一齊番大陸按摩,食飯。在我失意時, 陪我分憂解悶。感激上天讓我遇到她們。

而家既我, 轉左第二份工, 唔知點形容。因為發現自己原來係這十年間改變好多, 亦都可以話係有經驗, 是龍是蛇, 一合作就知, 是好是壞呢??還以為自己小心眼, 所以睇到好多縮骨之處, 但原來另一位同事都有同感。眼見種種, 感覺還是好好保護自己。以前吃了虧就算數，現在反而處處保留, 無左以前果種相知相交, 沒太多情感付出…是環境影響? 是接觸多左人?還是….??

可能因為有了自己家庭, 心態都變左，而家只係諗打份工, 日日煮飯比老公食, 同家人, 朋友們聚聚就夠了。

十年人事, 慶幸的是, 5c9還是一個不會在陰溝裡翻船既小妹。