英法HoneyMoon之旅 - Day 8 (DOR -> HKG)

24/8/2012

快樂時光過得特別快, 又係時候同巴黎講bye bye 喇~~

早上在酒店繼續享受朱古力酥的早餐, 托了酒店幫忙call taxi 到機場~~

因為同相公計過, 坐地鐵過機場, 又要搬上搬落, 所以寧願舒服d, 休閒的吃過早餐, call 的士到機場check-in~~

來接我們的的士司機問我地come fm 邊度, 我地話hong kong, 佢就話Oh china~~(雖然我唔太同意)~~HAHA~~

去到機場發現櫃位未開, 所以去搵LUNCH 食~~搵到間食BURGER 既餐廳, 相公再次ORDER 他他牛, 而我就ORDER 左個BURGER~~

食完依餐, 可能又要好幾年先會重遊舊地了~~

Check-in 既時候, 受到歧視的待遇, 個地勤話每人只可帶一件HAND CARRY 上機~原本我係咩住個小手袋, 再拎住一個旅行袋, 而老公就咩住個背囊, 再拎住個旅行袋, 個地勤話個背囊已經算係一個HAND CARRY , 所以唔可以再攞~~咁我地唯有將一個旅行袋寄艙(入面全是貴價包包黎架!)

其實原本都覺得佢地係公事公辦, 執正黎做無問題, 但上到機見到D 外國人咩一袋, 手抽一袋都上到機, 就擺明係個地勤針對我地!!諗起, 而家都有D 唔憤氣!!

回程我並不好受, 因為驚寄艙既果貴貴包旅行袋會唔見/被偷, 所以成程機都心緒不靈~~到多哈轉機果陣, 同相公去嘆左杯凍COFFEE, 心情好少少~因為想快D 番到香港~~~

終於番到香港, 所有行李都齊, 無少到^^~~

不過此等航空公司既待遇令旅途點上一小污點~~

終於圓滿記錄一年前既HONEYMOON 行程喇~~呼~~~

多謝收看~~Thank you for your attention.

英法HoneyMoon之旅 - Day 7 (春天百貨)

23/8/2012

大出血之旅

由春天百貨開始, 根據親友既指示, 第一站Longchamp, 掃了好幾個袋(包括自己), keke~~

之後就出發去LV 同草間彌生Crossover既專櫃, sales 們招呼得好好, 又好又耐性, 最難得係識講英文, 又想當年黎巴黎時, d sales 係唔識講英文架~~

令相公荷包大出血後…hehe….去到gucci 觀賞下, 又一個法國sales 用純熟&公式化既普通話介紹產品, 來來去去都幾句, “這個很便宜呀, 打8折後,(督計數機), $xxxx 錢咋, 很便宜呀”~~

最後當然無買啦, 不過叫做見識過啦~~

相公呢, 佢就係coach 買左個card case , 估唔到coach 係巴黎買仲平過香港, 如果扣埋稅仲抵喔…….keke….

係百貨公司搞掂退稅文件後, 就出發去前日去過果個supermarket 繼續血拼~~

有個小插曲, 超市d 車仔係要入銀仔先用得, 但係我地唔夠散銀, 諗住同個食蕉唱錢啦, 佢就用個假錢(類似酬碼)既野, 開左架車仔比我地用~~太好了!!

左手一袋, 右手一大袋, 我感覺有d 似係香港見的強國人~~可能因為歐羅弱勢, 以前對十, 對十一~~而家對九, 試過對八添~~~感覺好抵…keke..

血拼後, 又根據旅遊書介紹,去到另一間在酒店附近的餐廳, 這間餐廳的情調真係不錯~~~

食物一如其他在巴黎食既餐廳一樣好~~又飲了round 紅酒, 輕漫的渡過在巴黎的最後一夜….

奶皇冰皮月餅

今年5c9決定自製月餅， 嘗試多次失敗後， 今日算是最滿意的一次～～

皮料 約15隻（50G模）

糯米粉 40G
粘米粉 30G
EMMA 椰漿粉 2包 （50G／包）
砂糖 20G
煉奶 3鐵匙
鮮奶 75G
菜油 3茶匙

1。將所有皮料撈均， 會有些粉粒， 但也沒關系

2。將皮料漿過篩， 放入平底盆， 隔水蒸30mins

3。用木筷子篤落皮漿內， 如沒粉漿“lim"住筷子， 就可熄火

4。將已熟的皮料， 放入微波爐袋內， 用按壓方法將皮料搓均至軟身

5。將已搓至軟身的皮料放入雪櫃， 雪30mins

餡料

鹹蛋黃 4隻

吉士粉 24克

低筋麵粉 28克

雞蛋 40克（約1隻）

全脂牛奶 124克

椰奶 124克

煉奶 10克

無鹽牛油 30克

砂糖 50克

1.把鹹蛋浸在清水中洗淨，取出蛋黃，加入米酒（約兩杯蓋）浸住，用微波爐高火叮30秒後，再叮30秒 , 取出後切碎待用

tip: 不要在盥洗盆中清洗鹹蛋，以免鹹蛋上的灰淤塞渠道

2.用膠刮將吉士粉、低筋麵粉、砂糖拌勻，放入牛奶、雞蛋、椰奶、煉奶，以低速電動打蛋器拌勻成餅餡

3.將餅餡置於器皿中，蓋上保鮮紙，然後將它放在鍋中，以大火蒸10分鐘後加入牛油撈均，再蒸5至10分鐘成帶吉士質感般的餅餡

tip: 切忌蒸太久令質感過硬

4.電動打蛋器以中速打軟餅餡，加入蛋黃碎， 再用將它袋入微波爐袋內，首先用手掌壓下，將它向內摺，重複壓下及摺上的動作1分鐘， 再重複壓下及摺上的動作約2分鐘成軟滑狀，冷藏10分鐘備用

6年的寫blog 生涯

不經不覺原來已寫blog 有6年多, 由廿四味到現今的5c9, 6年來的身邊的人和事都轉變得好大好大…

由yahoo blog àyahoo 新blog àgoogle blogger, 係blog度相識既朋友仔都唔見晒, 所以連寫blog 動力都減少了.

不過人生中, 還是有很多的事很想用文字,相片去留低, 畢竞人腦的記憶真的很有限, 哈哈, 還未到半百已講到垂垂老矣似的。

Anyway, 再次出發的5c9, 繼續未完的blog業 (寫Honeymoon 之旅)。

加油喔!!