花開富貴

自從做左5c9之後，每到農曆新年都一定買定年花過年～～

今年有好伴娘妍妍自家養殖的水仙，年廿七已經開得好燦爛～

之後去元朗行花市，相公揀了棵靚靚蝴碟蘭～

年廿九回娘家團年，食過後一家人就到屯門花市行逛，又買到靚靚跳舞蘭

話咁快又一年了

5c9祝 一家平安快樂，健健康康～＾＿＾～

年~~~又過年~~~~

同相公在家洗邋遢左足足3天, 在年廿八前超額完成!!YEAH!!

今日與姐姐回娘家,3母女一齊整角仔(油角), 煎堆同笑口棗~~

角仔由油皮+水皮組成 (較脆口), 饀料 (沙糖+ 炒熟摀碎的花生)

角仔這門手藝, 係由我麻麻(我媽既99)所教, 老媽子差不多年年都整

小時候, 5c9會幫媽媽用個小杯"吸"落已"碌"扁左既粉團上, 

"吸"成一個個圓型既粉餅(唔係粗口>V<), 再等老媽子包餡料入去~

大個左就學包角仔, 但可惜5c9還未學會搓皮的技巧, 

試過有年幫手搓粉, 搓到個粉團起筋...>.<..

所以今年都係乖乖地幫手包角仔就好了!!!

 姐姐今年要求整煎堆&笑口棗

整煎堆比較簡單, 用糯米粉, 糖, 水 

雖然話簡單, 但落油鑊既功夫卻要不少~

要控制油既熱度啦, 點樣炸到個煎堆漲卜卜都係有技巧架~!!

  

笑口棗呢, 係臨急先話要整, 為左一包白芝麻, 同姐姐撲左好幾間舖頭先有~

笑口棗成份有低荕粉, 雞蛋, 糖, 水, 梳打粉, 泡打粉

我地係參照這個食譜製作, 

http://kennymelody.mysinablog.com/index.php?op=ViewArticle&articleId=408445

雖然樣樣都好熱氣, 不過農曆新年係中國人一個好特別, 好有意義既節日~~

一年一次, 唔緊要啦~!!整既又開心, 食既又開心~~

最緊要一家人開開心心嘛~~^__^~~

人 生 無 常

人越大就越見生離死別…害怕嗎?我認為用”無奈”去形容面對死亡更為貼切

記得爺爺在我小二時離開, 爸爸輕輕一句”以後不能再見爺爺了”, 我那豆大的淚水嘩嘩地流, 但什麼叫做死亡我並不知曉~

由中學已認識到 生 老 病 死 乃人生必經階段, 由你出生那刻開始已註定會死亡, 無一倖免..但年少無知的我又怎感受到這四個字帶來的震憾!!

投身工作, 發現身邊同事得重病, 只三十出頭, 唔煙唔酒卻得癌症?!?幸同事經過大半年的療程, 康復了!! 但後遺症也不少, 這讓我感受到病患像個計時炸彈一樣, 唔知幾時在自己/身邊人身上出現, 多可怕!!

在這10年間, 當然聽到不少身邊的朋友或朋友家人離開人世的消息, 都感到很唏噓..

2013年, 大頭既離開…令我更切切確確的感受到…離別的傷痛與無奈….

今日早上5c9都聽到一個哀傷的消息, 朋友的哥哥離開了~~雖與朋友哥哥只有一面之緣, 但他的友善好客性格, 在我心中留下深印象!! 朋友哥哥還有3個年少兒女, 真係仔細老婆嫩呀!!!

聽到依個消息, 5c9都忍不住留下淚兒…亦明白及擔心朋友的心情…唉….

每一次的離別也是上天的reminder….remind 著你人生苦短, 唔係淨番幾多時間, 請好好珍惜同身邊人一齊既時間呀!!!

水種非洲紫羅蘭

2014年1月1日 － 大棠楓葉遊

Happy New Year!!!

新一年第一天與相公到元朗大棠郊野公園賞紅紅的楓葉

早早9點揸車出門出發

帶埋"西西"賞楓去！

去到大棠差不多10點鐘，等待車位都等了半小時

泊好車後就向山上出發

行了不久，已看到幾棵"紅樹"，周圍也是楓葉"龍友"

5c9 亦都快快地影幾幅靚相先～～

當越行越入，楓葉越來越紅，越來越靚喇～～

5c9都同相公影下相先

西西都黎一張

可惜的是忘了為相機叉電！！很快就沒電喇。。。嗚！！

大概步行了45分鐘才回到停車場

順順利利的離開，但賞楓的人絡繹不絕

車道全塞了，建議揸車賞楓的人士，9點半前要到達

坐公共交通工具去的，11點左右好到達

如果唔係有排逼喔～！！

Snowman & Snowdog

記得小時候，沒什麼娛樂，悶悶的看電視為樂，在聖誕節時，在明珠台看了一套沒對白，只有音樂的卡通。

故事講述一個在聖誕節悶悶不樂的小男孩，在家門前堆砌了一個雪人，在午夜的時候，雪人識行識走，帶小男孩飛去不同的地方遊玩。差不多天光了，雪人帶小男孩回家休息，小男孩心滿意足的睡著了。。。但當一覺醒來，屋外的雪人已溶化了。兒時的5c9看到這幕不禁落淚了。

Snowman 這個故事在我腦海裡印象很深刻, 

在中學時亦專登買了本Snowman 封面的日記簿寫日記。

Snowman 裡的歌<<Walking in the Air>>  (有點淒美)

這個Snowman 的故事，每年都會在聖誕節時候在明珠台播映。

而在2012年製作了Snowman & Snowdog的故事來紀念Snowman 30周年。 

新故事中小男孩及Snowman 還在，新加了Snowdog 。

故事講述小男孩所養的小狗離世了，小男孩很想念牠，所以在雪地堆砌了雪狗及雪人，雪狗及雪人在夜晚叫醒小男孩, 帶他去與其他雪人開PARTY，亦在天光前帶小男孩回家。回到家後小男孩拆開了聖誕禮物,原來係一條狗帶, 小男孩將狗帶戴於snowdog 頸上, snowdog 最後變成真的狗仔, 狗仔同小男孩好開心咁一起睡覺...但當小男孩及狗仔醒過來後, 發現Snowman 溶化了....

看著看著這故事, 5c9就忍不住淚水了....很掛住大頭喔!!