齋戒的第26天 – 22/11/2013

自制素擔擔麵

材料: 擔擔麵 1包／上海麵 1包

醬料: 花生醬/芝麻醬 2湯匙，豆瓣醬 1茶匙，生抽 2茶匙，

老抽 1茶匙，麻油 1茶匙，白醋半茶匙（原應用黑醋），熱水3湯匙

製作

1. 煲滾水，落擔擔麵煲3分鐘，再過冷河

2. 將醬料撈均 （如太稀，可再落多些芝麻醬）

3. 將擔擔麵＋撈均的醬料即可

非常簡單又美味～＾。＾～

齋戒的第26天 – 22/11/2013

相公突然過海工作，所以5c9同相公可以有個溫馨的午餐~^V^~

@麗姐廚房

休閒寫意

StayReal Stuff

齋戒的第17天 – 13/11/2013

欖菜炒沙葛冬菇雜菜木耳絲

材料： 冬菇約 10隻，木耳絲 1小碗，沙葛 1 個，雜菜粒 1小碗，欖菜 2湯匙

制法：

1. 前一晚將冬菇，木耳絲 浸軟

2. 將沙葛洗淨，剝皮，刨絲

3. 將冬菇切絲

4. 先將冬菇，木耳絲放落獲炒至出水

5. 再將沙葛絲，雜菜粒倒進，炒均

6. 最後再加欖菜炒均，再焗3分鐘

生日台北之旅 － 27/10/2013 (微熱山丘, StayReal Cafe)

今日起床後, PACK 好晒行李就準備CHECKOUT

因為之前香港航空轉機位既關係, 我們已在昨晚早早CHECKIN, 還是我們所訂的位置~

BOOK 了今晚8點幾機, 上午還有很多時間~

放低左行李在酒店, 就出發去搵”微熱山丘” 鳳梨酥

相公哥哥是台北通, 他說這個鳳梨酥係香港好HEAT,

不過5c9孤陋寡聞未聽過,不過即管去買黎試試

”微熱山丘”, 台北市民生東路五段36巷4弄1號1樓

相公用Google Map 定位後, 我們坐巴士, 再步行差不多10分鐘才到達

”微熱山丘” 舖位座落係民居裡面, 沒有分銷商, 所以一定要去舖頭買鳯梨酥

一進門, 待應小姐就用溫柔又甜的國語問” 要不要進來喝杯茶”~

5c9同相公就傻更更的跟著待應小姐進入舖頭,

舖內有張大木枱, 周圍都是在喝茶的人~

待應小姐每人遞了一個木盆, 盆上有一杯茶, 一個包裝了的鳳梨酥

待應小姐仲細心地教我們怎開包裝紙

飲啖茶, 吃過鳳梨酥, 仲可以慢慢揀選10個裝, 16個裝或20個裝的鳳梨酥

選定好後就可以去排隊比錢, 我地買了三盒鳯梨酥, 一樽鳯梨汁

買完手信後, 去下一站Stayreal Café~

生日台北之旅 － 26/10/2013 (西門町STAYREAL, 彩SUSHI 料理)

 Happy Birthday to ME!!YEAH!!

昨晚夜瞓關係, 今日懶懶的九時許才起床

再次去微風廣場買了兩個MISTER冬甩

之後, 出發去西門町StayReal排隊買HELLO KITTY 40周年限量版既T-SHIRT

台灣同香港排隊既文化差好遠

係香港如果要買演唱會飛, 限量版XXX , 

起碼要一日前就排隊, 仲要同D 排隊黨鬥快~

但只限購150件的T-SHIRT, 我們10點多才來排隊, 仍排得到150名內~ 

SO LUCKY!!

到下午2時, 終於開賣了~~ 買到了, 買到了~!!

其中有段小插曲, 

我們是排尾三既情侶去買T-SHIRT, 我們要了一件M , 一件L SIZE

而尾二果對情侶亦一樣, 但最後一對情侶唔好彩, 因只賣剩兩件M 碼衫了~

但男方卻是個較胖胖的男仔, 著M 碼就....^^"

下午3點幾~~肚餓仔的我們出發去敦南崇光百貨樓上的點水樓吃小籠包~

生日台北之旅 － 25/10/2013 (師大夜市, 士林夜市)

吃過下午茶, 又房間HEA 下, 睇下電影

不知不覺已六點幾, 七點

5c9同相公又四出搵野食

今次選搭巴士去師大夜市, 一黎方便, 唔洗好似捷運咁不斷上上落落

同埋巴士少人坐, 又有位坐~~

雖然路面交通比較煩忙, 但不是趕時間的我們, 是不錯的選擇

生日台北之旅 － 25/10/2013 (下午茶- 星巴克, 福州世祖胡椒餅, 爭鮮SUSHI)

因為天氣太凍, 博物院人又多既關係, 

相公決定坐的士回酒店.^.^

落左的士後, 我們去左酒店對面的星巴克買咖啡飲

適逢當日有買一送一的優惠..HEHE

落左咖啡ORDER 後, 相公去對面街角的福州世祖胡椒餅買餅食

師傅剛制作新一批的胡椒餅, TIMING 剛剛好~~

而我呢, 一個人..HEHE 去左拎印仔..

咩印仔呢? 事緣第一日到銀行兌換錢時, 看見路邊有刻圖章的街邊舖

在香港, 除了在遊客區, 亦都好難找到這些刻圖章的店舖

我同相公一人揀了一個木印仔~~

這個木印仔很特別, 由外邊一個"木筒"仔裝住個木印仔

而木筒上有人手畫的圖案花, 亦刻有"富貴" , "吉祥" 二字, 很有心思

小小的圖章, 卻可以刻三個字
5c9個中文名仲要好多筆劃

拎左咖啡, 買埋胡椒餅, 餓腸轆轆的我們打算去爭鮮買SUSHI

相公好細心, 知我凍, 所以叫我上房先, 佢自己走去中山地下街買=^.^=

上到房, 終於感到溫暖, 突然電話响, 台北老公打黎喇, WAKAKA~

問我想食一件件定一PACK既SUSHI~~

最後我們豐富的下午茶

生日台北之旅 － 25/10/2013 (台北國立故宮博物院)

起床後到台北車站上面微風廣場的餐廳吃早餐

吃早飯喔～～

吉烈豬扒定食 NTD150

食過早餐後就出發去士林站再轉巴士到故宮博物館

我們早在機場登記台北的青年証，所以買TICKET有半價

入場券 NTD80/人 (半價)

仲租了導賞耳機參觀

記得入博物館前要放低行李，所以要預備定個小手袋，袋住隨身物品

雖然好想睇翡翠白菜，不過太多人了，又勁多旅行團

所以我地轉去其他館度欣賞

台北故宮博物院並沒紫禁城那麼多大型古物

但保留了很多雍正，乾隆，嘉慶朝代的奏摺

真係見到皇帝們的"朱批"

亦好欣賞以前古人們所寫的字，公整到不得了

好似而家打字咁齊整

仲有個同科技CROSS OVER 既展館

5c9同相公都去扮下古人先

愛自拍的歐洲美男子..>V<

阿土仔LOOK 的相公..>V<

行到咁上下，見越黎越多旅行團，又強國，又日本，又韓國

我同相公都想快些離開，而且天氣變涼

5c9著唔夠衫，想快點回酒店換衫保暖

生日台北之旅 － 24/10/2013 (饒河街夜市)

睇過蘭陵王既戲服，我地就出發坐火車到松山站去

饒河街夜市

前兩年同相公拍住拖黎台北玩都無去夜市

今次一定要食盡台北夜市～！！

一入去就見到胡椒餅，不過勁多人排隊

因為酒店附近都有一間賣胡椒餅，所以同相公決定搵其他野食

饒河街夜市有點似香港的女人街

中間有賣乾貨，紀念品，兩邊就賣小食

我們向右邊街前進無耐就見到一條小人龍

原來係賣玉子燒

明太子玉子燒  NTD75

龍蝦沙律玉子燒 NTD65

生日台北之旅 － 24/10/2013 (台北車站，新驛旅店，牛肉麵，蘭陵王)

去到台北車站先尋找銀行

上網CHECK過果日《樟化銀行》匯率較高，但兌換都係兌到3・7

唱完錢就出發去《新驛旅店》

今次我們仍是訂了兩年前去果間《新驛旅店》1館， 

不過今次相公很窩心的訂了商務客房，貴少少，不過有雪櫃仔同露台～～

整理好行李後，就出發去搵食～因為係機上無啖好食～～

去了相公哥哥介紹, 在酒店附近的良品食牛肉麵

我選了清湯牛肉面，相公就選了紅燒牛肉面～

牛肉面既面底好像刀削面，一碗剛剛好～～GOOD！

之後在酒店附近行左陣街, 再出發去新光三越二館,

去做咩呢??

因為要睇蘭陵王戲服呀!!>V<

四爺高長恭(蘭陵王)

天女楊雪舞

大周皇帝 - 宇文邕

其實仲有五爺, 曉冬同太子既戲服, 不過唔夠顯眼, 無影到~

仲有係商場門前有個大紙牌, 女士們可以塞個頭去扮楊雪舞同四爺擁抱

相公係咁叫我埋去影, 不過5c9最後都無做到

雖然欣賞這套劇, 但又並不迷戀劇中人~~

生日台北之旅 － 24/10/2013 (HKG － TPE)

早上7 時許已到機場CHECKIN，今次乘坐香港航空，因為偷佢機票平～～

不過再次証明平野無好野既定律，點解我會咁講，你睇落去就知道了～～

我們早一晚在網上CHECKIN 先發現原本BOOK 的窗口位沒有了，只有中間位置可以揀～

咁都唯有再揀過位CHECKIN～去到COUNTER 問香港航空地勤，

佢地話因為突然轉左機種，所以要再揀位～

仲叫我地去問下台灣番香港果程會唔會有變～果陣CHECK 都無變的～

終於順順利利的去到台灣～～

第一件事就是去唱錢，而家香港錢唔值錢了。。。以前1兌4，而家變成1兌3.65

去機場兌換店兌了少量現金，打算去到台北市找銀行再兌錢～

拿了行李就出發搵電訊公司，很多人都排《大哥大》隊

今次相公選了《遠傳電訊》，NTD450 無限任上網＋30MINS 電話通訊

我們一人一張電話卡，好等在台北有咩事都可以電話聯絡

所以電話上有了《台北老公》依個NUMBER。＞v＜

因為時間尚早，5c9同相公去了機場的Food Court 搵野飲先～～

今次一落機就忍不住即刻搵春水堂既珍珠奶茶飲飲

相公繼續珍珠奶茶，而5c9點了紅豆奶茶

但我們都覺得珍珠奶茶至好飲！

嘆過珍珠奶茶，就出發坐機場巴士出台北車站了！！

齋戒的第14天 – 10/11/2013

昨天與相公去了置樂，嫂嫂介紹的一間賣齋的舖頭，我們買了齋三文魚啦，齋雞肉粒，齋沙茶醬，齋肉釀豆腐～～

賣齋的EE仲問我地幾時開始食齋，我地話剛開始～～ 再次覺得食齋都有好多選擇同味道～

今日煮了沙茶醬西蘭花素雞～～食到相公津津有味～～

食完飯後，同相公吃過飯後甜品。。。牛奶公司香芋雪糕加我至愛的多多糖～

簡單就是快樂～～

齋戒的第12天 – 8/11/2013

話咁快就一星期，今晚與相公去Vcity 行街食飯～～

去了買些冬天家居鞋仔～

之後去了紅螞蟻食晚餐～～想不到這兒有素食餐～

相公點了咖哩素羊肉飯，初初吃果陣，真的懷疑這是齋的嗎？因為實在太似了～

那個咖哩很香，食物得好～～又是個舒服的晚上～～

齋戒的第10天 – 6/11/2013

今晚同相公去食千両SUSHI，因為要儲分～～

HAHA，食齋的我們食咩好呢？？

麻醬豆腐

腐皮SUSHI

炸豆腐

厚厚燒玉子SUSHI

食下食下都食左二百幾蚊，之後出發去深水埗，相公要買電腦野～～

買完野就去左松記吃糖水～～

幻彩明珠

開心世界

食過滿足的我們坐巴士回家去～～

巴士站停在娘家附近，我們就落了車去狗公園散步～

睇左一陣狗仔, 再行番以前帶大頭番屋企條路去坐輕鐵

我發現條路好似唔同左

相公記得以前帶大頭行依條路果陣仲係黑色石屎地

而家已經舖上靚靚的石磚....

原來不經不覺, 已人物皆非了...

齋戒的第9天 – 5/11/2013

倉頡 -- 五月天

一顆葡萄有多甜美 用盡了所有的 圖騰和語言 描寫
想一個人有多想念 那又是文字失效瞬間

結一個紀念的繩結 記錄你離去後 萬語和千言 瓦解
升起了慌張的狼煙 我遺落在最孤獨史前 的荒野

多遙遠 多糾結 多想念 多無法描寫 疼痛 和瘋癲 你都看不見
想穿越 想飛天 想變成 造字的倉頡 寫出 能讓你快回來 的詩篇

一隻蝴蝶有多鮮豔 能不能飛越過 猜忌和冷漠 世界
給你的簡訊和留言 說不清萬分之一追悔

當星宿都沉沒山岳 只盼你會抬頭 看我寄託的 彎月
當一個文明即將熄滅 有什麼證明你我存在 的歲月

多遙遠 多糾結 多想念 多無法描寫 疼痛 和瘋癲 你都看不見
想穿越 想飛天 想變成 造字的倉頡 創造 能讓你想起我 的字眼

多遙遠 多糾結 多想念 多無法描寫 疼痛 和瘋癲 你都看不見
想穿越 想飛天 想變成 造字的倉頡 寫出 能讓你快回來 的詩

需要你 需要你 需要你 想逆轉時間 回到 最開始 有你的世界
想穿越 想飛天 想變成 造字的倉頡 寫出 讓宇宙能重來 的詩篇

齋戒的第8天 –4/11/2013

昨天送別了大頭仔後, 在公園逗留了一段時間~~

其間見到一位狗主手抱著一隻很小很小的狗女, 小狗女叫做"小豬"~~

小狗主人話係在天水圍工廠區一個密封的箱子度救佢出黎, 估計只有個幾月大~~

我與姐姐忍不住抱了她一陣, 細小而圓碌碌的身子, 很沉穩的睡在我的懷抱中~~

記得大頭BB 仔果陣都係咁, 掛住瞓, 又無表情~~

叫了一聲"小豬", 咪著眼的她給了我們一點反應~~很可愛, 亦都很高興小豬搵到好主人~~

記得知道大頭離開的第一天, 我哭著的同相公說我今世也不養寵物了~因為離別時真的很痛苦

但見到這被遺棄的"小豬", 幸好被好人救起~~但世界上還有很多很多被遺棄動物, 沒那麼幸運~

所以我轉變了, 如有能力而居住既地方許可, 我打算去領養一些被遺棄的狗仔~

給牠們一個家, 陪牠們往後的生活, 陪牠們終老~~這也算是我能力內可以給牠們的愛及家~

離開公園後, 回娘家吃飯~~爸媽知道我同相公食素, 煮了南孔齋, 欖菜沙葛, 炒小棠菜~~

 食素近一星期, 發現食素也有好多選擇, 仲要好好味, 又健康~~

好多謝家人的支持~~這也是個好好的領悟吧!!

"我們都有傷心的時候　總不在乎這種感受

但是我要把握每次感動　如果還有明天" 

<<如果還有明天>>

齋戒的第7天 – 3/11/2013

今日終於可以再見到大頭了～～

大頭睡在一個滕籃上，蓋著最喜愛的花花被巾，像以前一樣的安靜睡著～～

撫摩著大頭仔的毛毛，還是一樣的柔軟，但欲是冷冰冰的～～

摩著大頭仔厚厚的頸毛，手仔，肚仔。。。。

大家都哭成淚人～～太多太多的畫面在心頭～～

大家圍著大頭很久很久，但還是要到永遠分離的一刻。。。。

大頭仔帶著我地送叉燒及蛋白蛋糕，著住藍色迷彩衫仔同花花被離開～～

由哥哥一手帶回來的大頭，最後亦由已哭成淚人的哥哥送大頭仔最後一程。。。

爸爸堅持陰陽不同住既關係，我地無將大頭帶番屋企～～

我同姐姐，哥哥們決定將大頭帶到一個佢好鐘意去既公園。。。

眼見周圍的快樂小狗，想起以前同相公帶大頭黎公園玩既情境，眼淚又不聽話了。。。


大頭仔，在你人生的路上，家人們從沒離開你，陪伴到你最後～～

你是幸福的呀！！你要乖乖地，走你應要走的路～～！！

我地永遠懷念你～～！！

齋戒的第6天 – 2/11/2013

懲教署秋季賣物會

今天相約姐姐到赤柱監獄隔離既員工宿舍舉辦既賣物會參觀～～

這個活動是全免的～～

相約姐姐早早在屯門坐西鐵往香港站轉260巴士入赤柱行街街～～

入到赤柱已人山人海～還未吃午飯的兩姐妹立即去搵LUNCH食～～

5c9越來越發現食素也可以食得好開心～食可以同身邊人一齊分享，一齊吃素～～

去了一間食24吋PIZZA 的餐廳吃～～

因為一份PIZZA都大大份的原因，同姐姐ORDER了一塊素食PIZZA （切開一半）。

再ORDER左個SALAD，勁勁勁多芝士係面。。。有點咸了。。

之後與姐姐行左陣街街，買了兩個民族風的手袋仔～～

再行了赤柱市集，雖然全都係FOR 遊客生意，不過都發現一些平時未見過既精品～很有意思

眼見時間差不多，與姐姐買了咖啡雪冰～再坐每人＄1 小巴往赤柱監獄去～～

去到赤柱監獄門口，已見很多人出出入入，有些人手拿著滕制的 “鄧仔“（chair）,仲有好多滕籃，傢俬添~

見到咁多野買，c9的天性又黎喇~我們急不及往賣物會方向前進，當然也好好參觀下赤柱監獄外圍~

賣物會是在一個草地場舉行，中間是草地，而周邊就是攤擋~

因為有犬隻表演，我同姐姐先搵定個好位欣賞表現節目~

睇完表演後，同姐姐即刻向賣物攤檔前進~可惜滕傢俬早就賣晒~~但也發現另一些“寶藏“,就係錢喇~haha~

想不到有伊拉克既錢, 贊比亞既錢啦, 依D 地方我諗5c9依世都唔會去既地方~~所以瘋狂地掃了好幾張, 但100蚊都唔洗~~yeah~~!!

之後再行多一陣就走人了~~不過赤柱監獄個view 都唔錯~~

今日我同姐姐都話太遲黎, 好多正野都賣晒~~所以約定下年要早點早點入到黎掃貨, 先再去赤柱大街行街街~~